من اروع قصائد محمد بن فطيس المري

الاسم:محمد حمد محمد فطيس المري



السن: 29

البلد: قطر
المهنة: يعمل موظف إداري بأحد المراكز الصحية بدولة قطر .. حاصل على دبلوم إدارة ..

نبذة مختصرة عن حياته :له عدة مشاركات في مجال الشعر ... ينتسب إلى قبيلة آل مرة بدأ مشواره بالساحة في 2001 تقريباً .. شارك في العديد من المهرجانات الخليجية والعربية منها مهرجان الدوحة الثقافي ، مهرجان حائل ، مهرجان الخالدية في الأردن ، معرض الصيد والفروسية بأبوظبي ،


هنا بعض قصائده
(1)
يا الله عفوك يوم تصفية الحساب
،،،، يومٍ حصاد لما زرعنا في السنين

يوم الحشر قرب ولا معنا زهاب
،،،، اليوم في الدنيا وبكره راحلين

نجني ذنوب ونرتجي عفو وثواب
،،،، وعلى نصر ربي لنا مستعجلين

تدرون ليه آمالنا كنها سراب؟
،،،، تدرون ليه النصر سيف الأولين؟

الأولين أعمالهم وفق الكتاب
،،،، قاموا عليه وباعوا الدنيا بدين

وحنا غفلنا بين ما لذ وطاب
،،،، والنصر سيفٍ ما يسله غافلين

نصبح على شوف انتهاكات وخراب
،،،، ونمسي على دمع وتنهات ونين

بصدورنا شي تذوب إله الهضاب
،،،، وأفعالنا والواقع رياح ..وطحين

وعلى العيون من الفتن مثل الضباب
،،،، ماعاد ندري من يسار ومن يمين

ما للضعيف ألا الدعاء لو ما يجاب
،،،، ما غيره إلا الشوف مكتوف اليدين

يا الله زلزل تحت الأعداء التراب
،،،،و ألطف بنا واحقن دماء المسلمين

ندوعك يا قادر على جعل السحاب
،،،، جيش لنصرة قلةٍ مستضعفين

أغرقهم بنوع من أنواع العقاب
،،،، غرق الغلام اللي يحسب انه فطين

لوما عصى نوحٍ نجا به في رحاب
،،،، سفينته و امضى معه ف العمر حين

لكنه اختار الخسارة والذهاب
،،،، اصنع بهم صنعك به و أنت المتين

و إلا خذهم يا مجري ٍ سود الحقاب
،،،، اخذ العجوز اللي بقت في الغابرين

ذوقهم اللهم أنواع العذاب
،،،، اللي عثوا في أرضك من المفسدين

وألطف بمن لبسوا من التقوى ثياب
،،،، عبادك المستهدفين المتقين

تكالبت عليهم أنياب الذئاب
،،،، ولا غير عونك يا معين الصابرين

من بينهم شيبه يعجزون الشباب
،،،، من وقفته من طولها. في الركعتين

ومن بينهم عذرى تون بلا حجاب
،،،، أحجابها لفوا به الجرح المكين

تصيح ما هو من ألم ولا صواب
،،،، تبغى الحجاب اللي خذوه المسعفين

وطفلٍ عن عيون أمه الثنتين غاب
،،،، تبكيه عين وتلتفت لأخيه عين

من هول ما يجري لهم شاب الغراب
،،،، يا وسع حلمك و أنت ما فوقك مدين

أدعيك و أنت ادري بحال أهل المصاب
،،،، و أمد كفي لك يا أكرم الأكرمين

.................................................. .........................

(2)
ماني بمن ياتي ولا يدرابه،،،،، شطراً حفظته ماعرف كتابه

شطراً يناسبني لمثل الليله،،،،، وأشوفني في ذا المكان أولابه

أبتكل بالله ونعمٍ بالله،،،، اللي مايوصد دون خلقه بابه

باقول واللجنه تقيم قولي،،،، ومن كثرة الشعار ماني ابه

الحمد لله واثقٍ من روحي،،،، وان كنت ذيبٍ فاالرجال ذيابه

ماأقول أنا أشعر واحدٍ فالدنيا،،،، لكن قصيدي كفو وأنا أدرى به

والشعر جمعنا لو تفرقنا،،،، حدودنا وظروفنا الغلابه

الله يبيض وجه راعي الفكره،،،، عزالله أنها تنحسب لحسابه

والله يبيض وجه من يرعاها،،،، محمد الله يحفظه لحبابه

محمد ولد زايد عريب المجنا،،،، ولي عهد الديره الخلابه
الشعر تاريخٍ لنا من مبطي،،،، واعلامنا يوم السنين نهابه

الشعر بيتٍ والوزن عمدانه،،،، معناه طنب وقافيته حجابه

والشعر وادي فيه صيد واجد،،،، وكلٍ على الوادي يهج ركابه

الأفكار صيد وكل شاعر قانص،،،، وكلٍ يدسم شاربه مخلابه

أحدٍ خياله حر و احدٍ وكري،،،، واحدٍ خياله كوبج بقطابه

وأنا خيالي كل ماهديته،،،، حول على الوادي وصاد عقابه

شاركت أمثل ديرتي وربوعي،،،، وكلٍ يمثل ديرته واقرابه

والله إلا الله راد والله قاله،،،، إني لاسلمها الفخر واكتابه

داري قطر وأنا هنا أمثلها،،،، المجد مطلوبي وأنا طلابه

عهدٍ على إني لاأشرفها،،،، ترك صبيٍ مايعز ترابه

شوفوا دمي من حبها عنابي،،،، وحماستي من ضوها شبابه

شاعر خليجي والعروبه بيتي،،،، والبيت ماياقف بدون أطنابه

وان عودة بين القبايل فزعه،،،، أنشهداً لي فاللوازم لابه

لي فالقبايل ربع واقدرهم،،،، ماني بمن يجهل مقام أصحابه

وان عودة لاصلي فاأنا أصلي مري،،،، من صلب يام أهل القنا وخضابه

قومٍ لنا فوق المعالي بيرق،،،، والسيف قوة سلته بانصابه

الشعر طوقني وانا طوقته،،،، قمت أتمشابه وافك أبوابه

يابنت ياللي تفرقين بعودك،،،، ماألومهم لو كثرو الخطابه

لامر بك دربك على خلق الله،،،، قالوا كذا باالأصبع السبابه

زينك يزينه فعل ابيك وجدك،،،، وانتي بدورك للنقا كسابه

قومي تباهيبي وفلي راسك ،،،، عليك من ستر الشرف جلبابه

وان ماسترتك بالفعول وباسمي،،،، فعقبني الفنجال ياصبابه
.................................................. ..................


(3)
يقولـون سمعنـا قصيـد الـوطـن نبغـيـه ....... وأنا أقول هاكـم والوطـن يستحـق أرواح

ولكـن مـن اللـي بالقوافـي قـدر يوفـيـه ....... أشوف أن مدات الشعـر لـو تجـود شحـاح

تعجز المشاعر لـو بغـرف البحـر واعطيـه ....... ولا اشيّن من الطبعـه سـوى طبعـة السبـاح

عجزت أفصح اللي في كنين الصـدر مخفيـه ....... وأشوف السكات أفصح الى ما انصف الإفصاح

أحبه ولـو مابيّـن القـاف كيـف اغلـيـه ....... وحبـه شربتـه واجتمـع فالفؤاد وســاح

قطر موطنـي وانـا مثـل مـن تربـوا فيـه ....... راع البـل وراع المـال والغيـص والفـلاح

رجـال ٍ الـى سمعـوا نـداه اجمعـوا لبيـه ....... تطيح الغتر والروس بس العلـم مـا طـاح

ولدنـا يجـي فـي لازم الـدار هـو وابيـه ....... مجـي المعيـد الموجـب لراعـي التلـواح

سواعد الأمير وفالمحافـل فخـر و وجيـه ....... ونارد حياض الموت كنحـن خـرز مسبـاح

وسيوف لولـي العهـد فـي لازمـه وايديـه ....... دروع عليـه وفالـلـوازم قـنـا ورمــاح

جنود الوطـن لحتـاج الامـر وذرا ً يذريـه ....... ولسـان ٍ فصيـح ٍ قاطـع ٍ يسكـت النـبـاح

رجـال اللـوازم كلـنـا والعـهـد نوفـيـه ....... علـي بالطـلاق انـه كـلام مهـو بـمـزاح

هـذا بعـض ما فالصـدر للـدار يـا باغيـه ....... كتبتـه قصيـد وديـرتـي تستـحـق أرواح
.................................................. ...................
(4)
ودي بـك وابيـك وابــاك وابـغـاك
جمّعتهـا لرضـاك واخـتـار فيـهـا

شف ويش منها يتبع احكـاك ورضـاك
واللي لك اسقـي مسمعـك لا ضميهـا

غديـت (افر)احكـاي واسايـر احكـاك
وانـا تـشّـرف لكنـتـي واهتويـهـا

مضمونهـا ودي بشوفتـك واهــواك
ياللي دروب اهـل الـردى مـا تجيهـا

صانـك ولـي امـرك وحـبـك وداراك
ولاقــدر ردع الحـظـوظ ومجيـهـا

نفسـك مهذبهـا وعــز الله ربّــاك
مايـدري ان جيـش الهيـام يغزيـهـا

الله قسـم يبـلاك بـي وانـت يبـلاك
باللي سواتـي فـي العـرب يرتجيهـا

محبة (ن ) ذربه مـن القلـب تكسـاك
محبـة (ن) صـدق الهـوى يكتسيهـا

يامـرك قلبـك بالوفـا لـي وتنـهـاك
انس (ن) علـى لامـاك تفـرك يديهـا

رزيـن عقـل ومـن مزايـا مـزايـاك
نفسـك تحـب وعفـتـك تمتطيـهـا

تطيع عقل (ن) مـا بعـد زل واغـواك
مشاعـرك تعصـاه ..وانـت تعصيهـا

ماشفـت منـك الا عيونـك ويمـنـاك
محبـة (ن) راع الـردى مـا يبيـهـا

يقبـض فـوادي لا تخيـلـت فـرقـاك
ياشف عيـن (ن) مـا سـواك يعنيهـا

وياعـزوة اخوانـك ومطلـب هـذولاك
نـاس (ن) محبـة والـدك تدعيـهـا

ناس (ن) تخـدم ابيـك كلـه لعينـاك
وهـو يحسـب ان الله عليـه يهديهـا
ياجعلها تفـدى علـى الارض ماطـاك
والله بمـن هــو مثلـهـا يبتليـهـا

لكـن لعـب فـي ياوليـفـي تـغّـلاك
و نفسي غلاك مـن الصـدود يحديهـا

تبطـي علـي وانـا هنـا واتـحـراك
و كبـدي لواهيـب الصبـر تشتويهـا

واجمّع علومـك امـن هنـاك وهنـاك
وو الله لو انهـا تنشـرى لا اشتريهـا

وعذرك (انا لاهي) يا ويش اللي الهـاك
لااهـي ومر(ن)منـت لاهـي تليـهـا

كانك مشكك فـي الوفـا والغـلا هـااك
جوالـي اقـر القائمـه كــل ابيـهـا

رقمك مع (الصادر) ولا (وارد ) اسـواك
والناس في اللي ( لـم يـرد عليهـا)

وايــاك واياني...وايـانـي ايـــاك
ومن غيبة (ن) من دون عذر يحميها
..................................................... .................
(5)
الموت تالـي العمـر والدنيـا مقيـل
والاخـرة هـي منتهانـا لا مـحـال
واعمال كل انسان لـه منهـا حصيـل
توضع على الميزان وان ما مال .. مال
وديني وحب النـاس والخلـق النبيـل
ثلاث هي دربي الـى حسـن المئـال
ماهي بلحية شـوق للطـرف الكحيـل
لا ذكّـر العقـل الجـوارح بالـزوال
الله يقـدرنـي عـلـى رد الجمـيـل
والله يجمّلنـي الـى جالـي مـجـال
والله يحـط الستـر لـي ظـل ظليـل
والله يقوّينـي علـى وصـل الحبـال
والله ينوّرنـي لصـار الصبـح ليـل
والله يقدّينـي الـى غـاب الـهـلال
والله يروّينـي السميـن مـن الهزيـل
لا ضيعوا ويش السمان مـن الهـزال
والله يكثّـر كـل ماهـو لـي قلـيـل
الاّ العيوب .. وكـل مانقصـه كمـال
والله لا يحوجنـي لمـدات البخـيـل
ويعيضني فـي كـل ماحـرّم حـلال
والله لا يذللـنـي لسـطـان الذلـيـل
والله لا يسقيني المذّلـة فـي الـزلال
والله يوفقنـي الـى اختـر الخلـيـل
والله يجنبنـي مجالـس قيـل .. قـال
والله يساعدنـي علـى القـول الدليـل
وستر من المنقـود والسنـة الرجـال
والله يقومنـي الـى شلـت الثقـيـل
ولا ينوخنـي لـديـن عـبـاد مــال
والله يرحمنـي عقـب عمـر طويـل
وادخل مع السبعة تحـت ذاك الظـلال
.................................................. ...........
(6)
لاتحسب الجفن من دمعه عقيـم
،،،، يستحي منك والى اقفيـت انثـره

ولايغرك وان بدا جسمـي سليـم
،،،، والله انـه مثـل سـور المقبـره

والله ان احـر مـن دمـع اليتيـم
،،،، دمعة الرجـال مـن فرقـا مـره

.................................................. ..........
(7)
غاسل ٍ كفي من مصافحة بعض اليدين
وقافل ٍ بوجيه اهلها صناديق البريد

وشايف ٍ شي ٍ لي اعوام مالي فيه عين
وقاطع ٍ خيط الهقاوي بسكين الوكيد

وخالص ٍ من طيب ضن ٍ موهقني سنين
وظاهر لي عقب عرف العرب عقل ٍ جديد

وطايح ٍ من عيني ارجال عندي كان وين
وحاقر ٍ منهو يقيس الاوادم بالرصيد

ومحتمي ٍ من غدر الاصحاب في حصن ٍ حصين
ولابس ٍ لرماح الاقراب ثوب ٍ من حديد

وماضي ٍ مني على اللي تمشيني يمين
ما تجي منهو قريب ٍ والى احتجته بعيد

المواقف تشخل الناس والطيّب يبين
كل عام يطيح تسعه ويصفا لي وحيد

اشهد ان خير المدارس تجارب الاولين
واشهد ان راي التجارب هو الراي السديد
واشهد اني للبلاوي على الدنيا مدين
كل ما راجعت نفسي طلعت المستفيد

وانت ياللي عقبك الزين بين البيض شين
مستحيل يطوفك الشعر وانت اصل القصيد

القصيده في عيوني بدونك ما تزين
لازم ان اجيب طاريك يا ملح النشيد

انت ياللي من بطين الفؤاد الى الاذين
والله ان حبك مع الوقت ماينقص يزيد

في غيابك لك محبه ولك شوق وونين
وفي حضورك شف عيوني كلامي ما يفيد

اقهر الضيقه بذكراك من حين لحين
وانثر دموعي على الوصل من عيد ٍ لعيد

لك غلا ً سبحان ربي ملى الدنيا حنين
ولك وفا ً سبحان ربي مكن فالكون غيد

شف مكانك في مكان ٍ عن العالم دفين
في مكان ٍ من ورى مثل عيدان الجريد

مكرم ٍ حبك وله فالحشى سمن وسمين
يقدع من الحال واصب له بن الوريد

افتضحت من الهواجيس بك فالمسلمين
كل من سولف علي قلت له وش قلت؟ ..عيد
الهوى سجن العشاشيق وانا لك سجين
وودي ان سجني مؤبد ولي حارس وقيد

عزتي لي من فراقك عسى ربي يعين
ادري انه في طريقي ولو وصلك مديد

صابر ٍ غصبا ورى الخشم لو جرحي مكين
ودي افعل لكن الله يفعل ما يريد

.................................................. ......
( 8 )
أقول لها وقد طارت شعاعا ً
،،،، من الشعـّـار ويحك ِ لا تراعي

عليك الصبر والباقي على الله
،،،، وعلى التصويت ما للخوف داعي

ترا اللي كاتبه ربي بياتي
،،،، ولو ما سعى لحظي جاك ساعي

تحزمت بقصيدي والقبايل
،،،، و جا شعري على الدفع الرباعي
انا في مركب الشعر الحقيقي
،،،، وجمهور الشعر حسبت شراعي

أمامي لجنة(ن) كفو(ن) بأهلها
،،،، وعلى الشاشات لي جمهور واعي

ودام ان ديرتي دار التميمي
،،،، فأنا ماظنتي يحجب شعاعي

تربينا على حب الطليعة
,,,,,وندعس للوطن رووس الافاعي

نعيش لرفعته ونعيش لأجله
,,,,,,ونموت لعزته موت(ن) جماعي

قطر داري ودار بن الفجاءة
،،،، بلاد(ن) نبتها سيل ويراعي

ظهر بن الفجاءة في زمانه
،،،، وانا بن فطيس تظهرني ذراعي

.................................................. ..................
(9)
بعض العرب حبه يوردك الجنون
،،،، ولا يوصّـف له غلاك حكاك له

ما يقنعه وصف الغلا لو وش يكون
،،،، لو كل حرف(ن) بالحرير يحاك له

الموت جاك وهو تقلبه الظنون
،،،، ولا لك الا الصبر ( وش وداك له ؟)

ان قلت ضايق قال هونها تهون
،،،، ما يدري ان ضيقتك له وبكاك له

تقعد تحبه وانت ساكت ومغبون
،،،، يمكن بيوم يدال له منفاك له

و كانك مشكك هو يمون او ما يمون
،،،، تخيل ان عفت الصبر فرقاك له

غلاه من فوق الغلا ما هو بدون
،،،، و حكاه سمعك يجبرك برخاك له

ودك تحطه بالعيون من العيون
،،،، وتبسط على رمض الثرى يمناك له

و تظله من الشمس في ظل الجفون
،،،، ولا يمر اذنه سوى لـبـّّـاك له

و تسج من غيره لو انهم يذكرون
،،،، ومنين ما سجت القدم ممشاك له

غرون(ن) يميله الترف ميل الغصون
،،،، غصن الليان ومكرمه بسقاك له

وجديله لا اقفى ستر منه المتون
،،،، كني بريحه لا التفت بدعاك له

كيك وعسل . . لكن ماهو في صحون
،،،، و دعاك من عين الحسود غطاك له

الله لا يعطيه ناس(ن) ينظلون
،،،، ويستر عليه من النحل لا ياكله

الوصف والتعبير في وصفه يخون
،،،، غير اطلب الله يستجيب دعاك له


و عذال قلبك في محبته يهبون
،،،، سكينهم عن قطع حبله حاك له

ناس(ن) عن أعراض العرب ما يعرضون
،،،، دايم على نفس الشكل و الشاكلة

اللي من لحوم الأوادم ياكلون
،،،، وحلوقهم دفع البلا متواكله

في سلمهم اولى بالأكل الأقربون
،،،، وأطيبهم اللي صيدته شكواك له

يدعيهم الشيطان للذنب ويجون
،،،، هذا يقطع له وذاك يواكله

ياجعلهم فدوة ثرى الغض الفتون
،،،، اللى على الدرب الطويل إخطاك له

طيفه إلا نام البشر زارك بهون
،،،، وطيفك الا نام البشر سرّاك له

حبه دفان ومقبره خضر الطعون
،،،، بين العظام العوج كنك تاكله

اللي كذا حبه لو تموت مغبون
،،،، ولا لك إلا الصبر ! ( وش وداك له ؟)

.................................................. ....................

(10)
ياقو قلبك على الصّـده ويـا صُبـرك
وياوسع صدري على صدك ويا صُبري

وياطـول عمـرك بذاكرتـي وياكُبـرك
وياشيب عيني بشيّب عـاد ذا كُبـري

والله لون حمل صبري فوقك..ان تبرك
والله ولو تعتذر منـت بعلـى خبـري

ان ما جبرك الغلا ما اقدر على جبـرك
ياللي على ارض الوفا ما شبرك بشبري

تزعل وترجع وتلقانـي علـى خبـرك
وانا انكسر لك واجيـك ادوّر لجبـري

طيفك وذكراك طيلـة غيبتـك سبـرك
وشوقي لشوفتك طيلة غيبتـك سبـري

امحق وليف ومحبه...والا اقول..ابرك
حسبي عليك اعشقك وانت اتحفر قبري

.................................................. ..........
(11)
سولفوا تكفون لا عاد تسكتون ..
.. قبل لا أهوجس وياتيني بلاي


السكات يزود طعوني طعون ..
.. وتنكسر لا جا على راسي عصاي


سولفوا لو ما بغيتوا اتسولفون ..
.. قبل لا اقعد في الحزن رايح .. وجاي


واضحكوا لو بالعماله تضحكون ..
.. وجاملوني لو يضايقكم حكاي


لي وليفٍ راح جعله ما يهون ..
.. هو دواي وداي .. أو داي ودواي


راح لكن طيف زوله في العيون ..
.. مرةٍ قدامي ومرة وراي


وإن سكتوا جا وهو طيفه يمون ..
.. رحت أهوجس له وأبين له ولاي


مكسب عيوني من الفرقا مزووون ..
.. تمطر لطاريه .. والبرق ؟ أصدقاي


كل ما طروه لو هم يمزحون ..
.. احرموني من غداي ومن عشاي


أدري إنه ما تناسى الود كون ..
.. تسمع إذنه في قفاي اللسن عداي


وكانهم قالوا نسيته يكذبون ..
.. وإلا أنا فيه أمتلك نظرة وراي


كان حبه لي على خبري مصون ..
.. والله ان كني بقدري .. وبغلاي


ذي بقايا الحب وأطلال الجنون ..
.. والله أعلم في ضميره وش بقاي


غير طيعوني ولا عاد تسكتون ..
.. ولا والله إن أسمعكم بكاااي

…………………………………
(12)
في كفها خاتم وفي خدها خال ..
.. وفي عينها غيم وعمارات وبيوت


الخال شفته واضحٍ من ورى الشال ..
.. والخاتم الماس مرصع بياقوت


والعمر في العشرين كني مانيب زال ..
.. والجسم كنه من جبل ثلج منحوت


جبل ولكن لا طرقه الهوى مال ..
.. وخطواتها ماهي بالأمتار بالفوت


ماهي تشوف الشمس من ظل الاظلال ..
.. ومصيافها ما بين لندن وبيروت


الشمس لو تشرق على جسمها سال ..
.. كنها مجسم محلبيه وبسكوت


ومن صغر مبسمها شقى حالها الحال ..
.. ما تاكل الا اللوز والخوخ والتوت


ماهي تشوف الناس تمشي وتختال ..
.. ومرٍ على جاكور ومرٍ على حوت


وخدامتين وهي بلا زوج وعيال ..
.. وسمعتها تدعي الدريول يياقوت


وثلاث جوالات ماهو جوال ..
.. ومن يوم خلقت كل شيٍ بريموت


لكن قلبي مالها فيه مثقال ..
.. وش قرب البشت الحساوي من الكوت


ياجعلها للي خذت قلبي نعال ..
.. اللي غلاها عندي الشرب والقوت


حوريةٍ من فوقها الليل شلال ..
.. كنها صبحٍ فوقها الليل مكتوت


قلبي لها من كثرة الشوق مشخال ..
.. وللسر عن كل المخاليق تابوت


تنحت لي من الحب في القلب تمثال ..
.. وحبي لها ينحت على الساحه بيوت


في عينها ما كل رجال رجال ..
.. وأقصى حدود الوصل في سلمها الصوت


زودٍ على القلب وعلى الحسن من آل ..
.. روسٍ لهم روسٍ على متونها بشووت


الى رضت موتوا يا أهل روس الأموال ..
.. وإلى زعلت جربت وش سكرة الموت


من دونها رجلي وراكب وخيال ..
.. والسيف والأمواج والبحر والحوت



أتمنى أن تنال على إعجابكم


the Queen

صح السانك ولسان شاعر ابن فطيس


انتقاء موفق


يسلمو عاى الجهود الطيب

ماجور ياللـي مـن فراقـــــــــــــك
تعلمّـت ان الزمـن يومـيـــــــــن طيّب.

وخـيّـب فاجئتنـي بمفارقـك مــــا تولـمّـت
كـذا بـدون اسبــــاب عنــــــي تغيّـب؟؟

مامـت مـن فرقـــاك لكـن تألـــــــمـت
وراسي مشيّب لـــو مـا راســــي مشيّــب

ولولا السحــا من عاذلــــي مـا تلعثمــــت
طاولتـــه اللي فــــــي يــدي مـن قريّـب

اضحــك واسولـــف وان لحقنـــي سهر نمت
لكـن قـســــم بالله مــــــانـي بطـيّـب

اكافــــح اهـــل الشمت بالسمت .والصمـــت
ومن شوفتـــــك صدفـــه قعـدت اتهيّــــب

اخــــاف اشـــوفك واكســر والسمت بالصمت
وادعيــــك تــــو النــــاس وانـا مغيّـب

جيشــك علــي ما فــــاز وانــــا استسلمّـت
وذل المحبــــــه ذل مـا هـــــــو يعـيّـب

تدري من المــــخطي ولـو مــــــا تكلمــت
((ياللــــــــي لضنـــــي ضنتـي مـا تخيّـب))

وسلامتكم

[

مشكــورهـ حبيبتي على الموضـــوع